KUCHING, 6 June: Bisi dua buah wong ke chukup manah dilawa bala temuai di Bau iya nya Wong Pe’An enggau Wong Susung.
Bepalan urung 50 kilometer ari mengeri besai Kuching, kedua-dua palan nya antara palan ke mesti ditapatka bala temuai ke bisi nemuai ke menua nya, lebih agi sida ke rinduka pengawa niki bukit tauka ‘hiking’.
Enti deka ngelawa ai wong nya, temuai deka dibai nepan bot ari Tekat Bengoh sebedau niki bukit pengelama urung 1 jam 56 minit.
Ukai nya aja palan tu mega ngembuan rampa menua ke manah, palan ai wong tu dikelala enggau nama Tanah Burung Enggang iya nya alai nyirutka angin ke beresi seraya ngelantang ati enggau mandi.
Kelimpah ari nya, palan tu dibuka ngagai semua temuai enggau ulih datai sebarang maya. – TVS
