KUCHING, 10 Okt: Mensia mayuh diperansang ngemeranka gaya pengidup ti bepengerai nengah bemacham program tauka aktiviti seriris enggau aspirasyen menua deka nyadika Malaysia sebuah menua lumba.
Menteri Dagang Temuai, Seni, Main Asal, Nembiak Enggau Lumba Datuk Abdul Karim Rahman Hamzah madahka mayuh macham program main lumba ti nyengkaum semua bansa aktiviti ti mungkur fizikal, pekit, rekreasyen, woksyop tauka seminar pemakai ti meri pemanah ngagai pengerai, ‘sports massage’ enggau ke bukai.
“Batang tuju tu dikena ngemeranka aktiviti main enggau lumba dalam pengidup ninting hari sereta nentuka semua nyaga pengidup ti bepengerai,”
“Semina enggau pengidup ti gerai, kitai ulih nyapai semua juluk ati enggau lebih produktif sereta lantang,” pia ku iya madah.
Entudika nya, bisi mayuh program nengah tali arus benung chakah dipejalaika iya nya ‘E-sports’, Tik Tok enggau ke bukai.
