KUCHING, 09 Sept: Sarawak kena Hari Empat ngerikodka 3,118 kes positif baru Covid-19 enggau semilan kes pemati.
Komiti Penyangga Penusah Ngenyit Nengeri (JPBN) Sarawak nengah penerang media madahka kes positif di nengeri tu nambah ngagai 144 030 kes.
Kes baru positif ti pemadu tinggi dirikodka di pelilih Kuching iya nya 984 kes, ditangkan ke Sibu (430) enggau Betong (200).
“Bela ngerikodka kes iya nya di pelilih Bau (143), Bintulu (140), Sri Aman (132), Samarahan (131),Serian (117) Miri (113)Song (112)Julau (65)Subis (54)Mukah, Sarikei (51) Kapit (43) Selangau(38) Lubok Antu (37) Asajaya (33)Tatau (30) Maradong (29) Limbang (27) , Pakan (25) Tebedu (24) , Simunjan, Bukit Mabong (20) Pusa (17)Telang Usan(13) Saratok, Kabong(11) Beluru(8), Kanowit(3), Lawas, Dalat(2), Matu Marudi (1),” ku JPBN.
Bisi 2334 kes baru udah gerai sereta dikemendarka pansut ari sepital naka Hari Empat.
Kelimpah ari nya, bisi dua kluster baru diripotka JPBN Sarawak iya nya Kluster Sungai Segan, Bintulu Enggau Kluster Jalan Bintulu-Miri Dua, Bintulu.
Kluster udah punas iya nya Kluster Skim Penempatan Stutong Baru, Kuching.
