PENGEKAI igi penyakit COVID-19 meri empas ngagai pengerai runding lebuh kes munuh diri ba sepemanjai taun siti nyin suba nambah ngagai 631 kes ti dibanding semina 609 kes ba taun 2019.
Tuai Direktor Pengerai, Tan Sri Dr Noor Hisham Abdullah madahka, bisi 366 kes munuh diri diripotka ngagai Polis Diraja Malaysia (PDRM ungkup tiga bukan ti keterubah ba taun tu.
Ku iya madah, pengekai COVID-19 dipeda meri bekau ke besai ngagai pengerai runding tetiap iku orang di sereta dunya, nyengkaum rayat Malaysia.
“Sesiku orang bisi risiko ti tinggi napi penanggul pengerai runding ti nyengkaum mawa lebuh sida napi penanggul ke chukup berat sereta nadai nerima sukung ari ruang bilik enggau kaban belayan ke bukai.”
Dr Noor Hisham nerangka, enti sema penyakit mawa tu enda diperubat enggau manah, ulih nambahka risiko sesiku orang kempang ati deka munuh diri.
Berindik ari nya, iya madahka, genap iku peranak mesti meri ngesan tanggungpengawa baka meri perati ngagai sida sebilik tauka orang bukai ngelala kelai penyakit mawa ke tau ngujungka sesiku orang munuh diri.
Kelimpah ari nya, Dr Noor Hisham madahka, bisi sekeda ubah ba ulah ti diayanka sesiku orang nya baka seruran beraie enggau mawa, nadai pengerindu ngereja pengawa ninting hari, napi penanggul nembuka pengawa ke diberi sereta enda regas ngereja pengawa.
Iya mega minta raban media bejalaika tanggungpengawa nyadung berita ke betul sereta mensia mayuh dilalau bebasaka ruang bilik tudah ke munuh diri baka anang ngerikod video tauka nyadung gambar tudah ba laman ram
