KUCHING: Perintah besai setuju ngemendarka mensia mayuh bejalai meraka nengeri enggau nemuai ke menua luar berengkah 11 Oktober 2021.
Menteri Besai, Datuk Seri Ismail Sabri Yaakob madah, pemutus tu semina dikemendarka ngagai sida ti udah nembuka dua dos vaksin COVID-19 enggau enda begunaka permit ari polis.
“Taja pia sida ti pulai ari menua luar mesti bejalaika kuarantin pengelama empat belas hari pengudah pulai baru ke menua tu,”ku iya dalam jaku pesan khas ti dipansutka ba stesyen tv nengah dalam tali arus sehari tu.
Berebak enggau nya, iya ngelalau mensia mayuh ngambika enda mudah rindang enggau penendu ke diberi perintah.
Ku iya, tu beguna dalam mantu menua muka baru sektor ekonomi sereta penyikap ngalih ngagai fasa endemik enggau selamat
