KUALA LUMPUR : Menteri Pekara Wang, Tengku Datuk Seri Zafrul Tengku Abdul Aziz, ngarapka Institusyen Wang Pemansang Menua (DFI) ulih ngelangkar polisi ti lebih engkeman agi sereta ulih ngurangka tating rayat ke deka mulaika baru pemanah pengawa dagang mit sida.
Ku Zafrul madah, DFI nyadi sebagi ari institusyen ti beguna bendar dalam pengawa mulaika pemanah ekonomi menua.
Kebuah pia, ku iya madah, DFI tu penyungkak sektor pengawa dagang di Malaysia lalu nyadi institusyen ti ulih mai pengelantang ngagai orang dagang tebal agi sukut pekara wang.
“DFI nyadi penyungkak ba sektor dagang di menua tu ti ulih mai pengelantang ngagai orang dagang,” ku iya.
Nangkanka nya, perintah seruran nitihka pengerembai program ba baruh kuasa DFI lalu mengkang belematika inisiatif ti bisi dipejalaika DFI.
Bepelasarka rikod, perintah udah meri wang turu ba baruh pakej peransang ekonomi agih belanja 2021 taun siti nyin tadi dikena DFI mantu orang dagang mit ngepunka baru pengawa dagang mit sida.
Ambika banding, Geran Pendigitalan ngenyampau RM500 juta udah diberi ngagai SME Bank, sereta RM400 juta ungkup Skim Pembiayaan Mikrokredit PEMEREKASA ba baruh BSN enggau ti bukai.
Berindik ari nya, iya ngarapka DFI ulih ngaga polisi ti engkeman sereta enda nating rayat ngambika sida ulih muka baru dagang sida enggau naka penyampat seririh enggau objektif DFI.
“Ba agih belanja 2022 tu ila, inisiatif pekara wang ungkup orang dagang deka dikemanahka agi sesingkang enggau ti diguna sida,” ku Zafrul.
Zafrul mega madah, ba agih belanja 2022 tu ila, inisiatif pekara wang ungkup orang dagang deka dikemanahka agi sesingkang enggau ti diguna sida.
Iya mansutka jaku munyi nya ba laman Facebook iya sehari tu sepengudah ngatur aum enggau DFI.
