Sarawak entara lima nengeri ke tinggi ngerikodka penerima dua dos vaksin iya nya 188,852 iku naka hari dua.
Menteri Pengerai Datuk Seri Dr Adham Baba madahka, nengeri ke pemadu tinggi iya nya Selangor 226,093 ditangkanka Johor (183,709), Perak (158,991) enggau Kuala Lumpur (151,632).
Ku iya madah sepemanjai timpuh nya, 6,301,727 dos vaksin Covid-19 udah diberi ngagai peranak di menua tu.
Iya madah agi, penyampau nya nyengkaum 4,574,685 iku penerima dos keterubah enggau 1,727,042 iku nerima dos kedua.
Sarawak nerima dos keterubah penyampau 721,653 iku orang.
Senentang program betuchuk vaksin ninting hari ti benung dipejalaika, Dr Adham madahka, 250,529 dos udah diberi naka kemari ti dibanding 235,623 dos ba hari sebedau nya.
Lalu ari penyampau nya, 190,244 iku nerima dos keterubah lalu 60,285 agi nerima dos kedua.
Iya mansutka penerang nya nengah laman Twitter iya sehari tu.
