SARATOK, 3 Mac: Raban bujang dara dalam Gabungan Parti Sarawak (GPS) patut terus beserakup sereta bepegai teguh ngagai prinsip segulai sejalai.
Kelimpah ari nya, Mandal Presiden Parti Demokratik Progresif (PDP) Friday Belik madah, raban bujang dara mega patut pintar nentuka kuing tuju politik ke nemban awakka Sarawak terus mansang.
“Kitai mesti terus bepegai ngagai prinsip segulai sejalai dikena negapka agi rayat Sarawak.
“Nya alai, berengkah ari diatu kitai deka ngempuru enggau ngiga raban nembiak kitai awak terus meretika kuing tuju politik menua Sarawak.
“Kebuah pia laban bala nembiak mih dikeandal ngiring nengeri tu dudi hari,” ku iya.
Friday mansutka penemu nya rambau Pengerami Makai Lemai Solidariti GPS diatur Nembiak PDP Pampang Krian, malam tadi.
Iya ke mega Kaban Kunsil Nengeri Krian madah, raban bujang dara GPS patut seruran nyikap diri nangkup tanggungpengawa ke lebih besai.-TVS
