KUCHING, 15 Nov : Perintah Sarawak udah ngaga pemutus iya nya nitihka atur ke udah ditetapka perintah besai meri kemisi khas kena 18 enggau 19 November tu ungkup Pengawa Bepilih Besai (PRU-15).
Nitihka penerang ari Opis Premier Sarawak kemisi nya ditetap laban nitihka atur Perintah Besai dikena ngemuntangka mensia mayuh bejalaika tanggungpengawa diri nyadi pengundi
Dulu ari tu, maya aum pemberita pengudah bejadika Opis Perintah Sarawak di Tanjung Manis sehari tu tadi dia Premier Sarawak bisi madahka Sarawak deka diberi kemisi sehari, iya nya 18 November aja.
Tang enda lama udah nya, dibantaika penerang baru madahka Sarawak diberi kemisi dua hari iya nya 18 enggau 19 November ungkup PRU-15 nyangka beratika timbal ari rayat mayuh.
Ba aum pemberita nya, Premier madah pemutus tu digaga asil ari randau iya engga Menteri Besai, Datuk Seri Ismail Sabri Yaacob di Selangau, kemari kelimpah pengudah berandau enggau Sekretari Perintah Nengeri, Datuk Amar Abu Bakar Marzuki.
Nya alai, arapka mensia mayuh bela sampal pulai ngundi ngagai sitak diri empu laban timpuh dua hari nyangka chukup sereta nadai meri sebarang penanggul ngagai sida ke diau jauh ari palan ngundi.-TVS
