KUALA LUMPUR, 10 Okt: Menteri Besai madahka Parlimen direrak berengkah sehari tu pengudah dikemendar Yang di-Pertuan Agong dikena meri awak Pengawa Bepilih Besai Ke-15 (PRU15) diatur.
Datuk Seri Ismail Sabri Yaakob madahka pekara nya dalam sesi ‘live’ ti dipancharka terus ba stesyen TV enggau media online pukul 3 lemai tadi.
Ku Ismail Sabri madah, iya udah betemu enggau Al-Sultan Abdullah Ri’ayatuddin Al-Mustaf Billah Shah tengah hari kemari berandauka sentang ngererak Parlimen.
“ Seriris enggau Pekara 40 (2) (b) enggau Pekara 55 (2) Perlembagaan Persekutuan, Ke bawah Duli Yang Maha Mulia Seri Paduka Baginda Yang di-Pertuan Agong udah meri pemendar Parlimen Ke-14 direrak kena ke sehari tu, 10 Oktober 2022,” ku iya.
Berebak enggau nya, Menteri Besai minta Tuai Perintah Nengeri ti enda nyerangkung Sabah, Sarawak, Melaka enggau Johor ngambi atur ke patut ngererak Kunsil Nengeri (DUN) sida ba hari ke sama enggau Pengawa Bepilih Besai rengat Parlimen taja sekeda nengeri udah mutuska enda ngererak DUN sida.
