Search
Close this search box.
Search
Close this search box.

Tubuh lelaki labuh ke sungai udah ditemu

ByFebbright James

JULAU, Jun 30: Tubuh siku lelaki tuai ditemu ba Tebing Sungai Mujok kira-kira pukul 8.30 pagi Hari Empat.

Nyawai Guntur, 75 taun, ditemu ba penyauh kira-kira 15 minit pejalai ngena perau ngagai endur nya.

Tuai Polis Pelilih Julau, DSP Andam Sulin madahka, tubuh tudah ditemu telentang sereta agi baka selama.

“Lebuh deka merau ngagai kebun, iya tudah labuh ke dalam Sungai Mujok. Bala peranak ba genturung pendiau nya udah nguji nyelamatka iya tang enda mujur. Sari udah nya (28 hari bulan enam) sida sebilik ngaga ripot ba balai polis, lalu raban polis terus bejalaika pengawa ngiga enggau nyelamat ba endur nya lebih kurang ngelama tiga jam ngena bot panjai ari jelatung ti semak,” ku DSP Andam Sulin, Tuai Polis Pelilih Julau lebuh dirandau pengarang berita sehari tu tadi.

Tubuh tudah ditemu ba hari ketiga urung pukul 8.30 pagi di Sungai Nanga Serau lalu udah dibai ngagai sepital ngambika ulih ditasat.

Tags: #ib, #tvstv

TVS provides up-to-date news, captivating dramas, and diverse programmes on channel 122 MYTV, Unifi TV and Astro. Stream TVS live now on the MYTV Mana-Mana, Unifi TV and ASTRO GO apps.

Follow us on social media:
Facebook: @tvsarawak , @tvs122

Instagram: @tvsarawak, @TVS_Entertainment

Telegram: @tvsarawak

TikTok: @tvsarawak, @tvs_entertainment

X: @tvsarawak

YouTube: @tvsarawak, @TVSEntertainment

WhatsApp: TVS

 

Berita Berkaitan