SIBU, JUN 30: Sebuah rumah iya nya rumah Charles Igat di Sungai Langub, Sibu angus pagi tadi urung pukul 8.28 pagi tadi.
Ku pengari ari Palan Gerakan Operasyen Bomba Sarawak madah, sida ngesah ngagai endur penusah nya nyadi, lalu tetemuka rumah nya udah angus 100 peratus.
“Bisi 13 iku raban bomba sereta sebuah perengka pengangkut bomba, sebuah EMRS enggau perengka pengangkut Hilux udah ngelawa endur penusah nya nyadi,” ku Tuai Balai Bomba Enggau Penyelamat Sibu Central, Suna Kaha lebuh dirandau pengarang berita sehari tu tadi.
“Maya penusah nya nyadi, rumah nya puang laban semua orang ke diau dia benung kereja. Nangkanka nya, orang ke ngempu rumah nya selamat, lalu nadai penusah bakal nyadi.” ku iya nambah.
Sebedau tu, rumah Charles Igat nya sebuah rumah panjai lama ti digaga bepechah ba endur nya.
Naka pukul 9.32 pagi tu tadi, raban bomba udah bejalaika pengawa meresika endur nya.
Pun penusah enggau penyampau pengerugi agi benung ditasat.
