KUALA LUMPUR: Komiti Raban Pengawa Khas Betuchuk Vaksin COVID1-19 (CITF) ti diuluka Menteri Koordinator Program Betuchuk Vaksin COVID-19 Menua, Khairy Jamaluddin, udah ngemendarka perambu Opis Menteri Pelajar (KPM) ti deka meri tuchuk vaksin ngagai nembiak sekula ke deka ngambi peresa perintah.
Menteri Kanan Pelajar, Datuk Dr Radzi Jidin madah, tu berindik ari pemendar Opis Nguasa Atur Farmasi Menua (NPRA) ngena vaksin Pfizer BioNTech ungkup nembiak mit ke beumur 12 tahun ke atas.
Kelimpah ari nya, naka ke diatu bisi 90,000 iku pengajar ke udah nerima dos vaksin ti keterubah.
“Nyadi, kami deka gawa enggau KPM lalu deka ngemeratka nembiak sekula ke deka ngambi peresa, raban pengajar sereta pekereja sekula. Naka ke diatu, Pfizer udah dikemendarka diberi ngagai nembiak ke beumur 12 ngagai 15 taun lalu iya deka diberi enggau jampat agi,” ku Khairy.
Khairy nyebut nya dalam forum ‘The Path To Herd Immunity: Up Close With YB Khairy Jamaluddin’ ti diatur ulih Gerempung Oxford & Cambridge Malaysia ngena chara tali arus maya Hari Empat.
