Projek ngaga palan pansik penyakit berampit Sarawak deka ditumbuhka dalam timpuh ti semak.
Kepala Menteri, Datuk Patinggi Abang Johari Tun Openg madahka, tu berindik ari taba projek nya diatu udah bisi ti besemak enggau sepital jantung Sarawak di Kota Samarahan.
“Kemari kitai udah ngemendarka sebuah taba ti semak enggau sepital jantung HUS dikena nyadi palan pansik penyakit berampit tu lalu kereja ngaga nya deka dipejalaika ba taun tu dalam timpuh ti semak.”
“Perintah nengeri udah ngemendarka RM200 juta dikena ngemansangka palan ti betikas entarabansa nitihka sekeda model nyengkaum ari singapura.”
Nangkanka nya, Abang Johari madahka, palan nya deka ditumbuhka begulai tebangkar ari unimas nyengkaum Profesor datuk Dr andrew Kiyu Dawie sereta Ex-direktor pengerai Nengeri Sarawak Datuk Dr Jamilah Hashim enggau ejensi antarabansa ti bejalaika pengawa nya.
Iya madahka, enggau pemisi palan tu deka mantu Sarawak kelebih agi dikena bejalaika pengawa enggau jampat dalam mansik penyakit ti deka datai kelimpah ari vaksin.
