Mensia mayuh ti udah nerima hari bulan nerima tuchuk vaksin covid-19 nengah aplikasyen mysejahtera dipinta nitihka jam ti udah ditetapka.//
Menteri ti megai tanggung pengawa ba komiti mutarka penusah ngenyit bagi menua (JPBB) miri Datuk Lee Kim Shin madahka, mensia mayuh enda ibuh datai kelalu tumu, tang titih aja jam  ke udah ditetapka dikena nyeliahka penyekut ba palan meri vaksin (PPV).//
“Aku deka meri jaku tesau ngagai mensia mayuh senentang program betuchuk vaksin tu nitihka jam enggau hari bulan ti udah ditetapka nengah MySejahtera.”
Kedua-dua PPVÂ BMCÂ enggau MCMÂ tu deka berengkah beroperasyen maya 14 hari bulan tu ila.
Naka ke diatu, bisi empat buah palan perubat peribit iya nya kpj miri Specialist Hospital, Columbia Asia Sepital Miri, Borneo Medical Centre (BMC) Miri enggau Miri City Centre (MCM) udah nyereta program betuchuk vaksin COVID-19 lalu udah dipilih nyadi ppv dikena nyaup perintah ngelancharka program betuchuk vaksin COVID-19 menua P-I-C-K.
Lee ke mega menteri pengangkut sarawak mega ngansak mensia mayuh ti bedau ngerejister diri  nerima tuchuk vaksin COVID-19 mesti jampat agi.
Sekalika nengah aplikasyen MySejahtera tauka ba opis pelilih nengah tuai raban bansa iya nya tuai genturung pendiau, kapitan sereta tuai rumah.
Berebak enggau nya, iya ngarapka pengawa ngerejister program betuchuk vaksin imuniti kelompok (herd immunity) di miri ulih nyapai 70 peratus ke atas ari penyampau rayat ke beumur 18 taun ke atas.//
Perintah Sarawak mega nagit program betuchuk vaksin tu ulih tembu ba ujung bulan 8 2021.
