Search
Close this search box.

LSS Dipinta Matau Penguna Bot Di Kapit – Masing

BySteward Dawi

Kuching, 11 Jun – Opis Menteri Perengka Pengangkut dilalau ngambika ngerah Opis Sungai Sarawak (LSS) matau bala temuai khas ke nguna perengka pengangkut sungai di Kapit.

Sapit Kepala Menteri Tan Sri James Jemut Masing nyemetak madahka,  LSS mesti lebih bejejaga lebuh matau temuai ke tama enggau pansut nepan bot ke Kapit, tebal agi sida ke ditemu enda ngasika Standard Atur Pengawa (SOP) ti udah ditetapka Komiti Mutarka Penusah Ngenyit (JPBN) Sarawak.

Ku iya madah, pekara ti pemadu dikenangi iya nya sida ke pansut enggau tama ke Kapit sepeneka ati nguna bot laju enggau perau panjai.

“Opis Sungai Sarawak (LSS) mesti matau semua penguna bot sereta nanya kebuah pejalai sida baka ti dipejalaika Polis Diraja Malaysia (PDRM).

“Tiga hari udah aku ba Kapit, aku meda mayuh penguna sungai ke ngelanggar atur ba baruh Atur Nagang Pemindah (PKP),” iya mansutka jaku nya nengah siti penerang maya hari lima.

Nangkan ke nya, Masing ke mega Kaban Kunsil Nengeri (ADUN) Baleh madahka, sida ke enda ngasika SOP ke udah ditetapka nya ulih nambahka pengekai igi penyakit COVID-19 ke Kapit enggau rumah panjai ba pelilih nya.

Iya ke mega Menteri Infrastrakcha enggau Pemansang Penyangkai Kapal ngarapka Opis Menteri Pengangkut ngerah LSS lebih bejejaga lebuh bisi temuai khas pansut enggau tama nguna bot di kapit.

Tags: #ib

TVS provides up-to-date news, captivating dramas, and diverse program which are disseminated via channel 122 MYTV, UnifiTV and ASTRO. Stream live via MYTV Mana-Mana, UnifiTV and ASTRO GO apps now.

Follow us on social media:
Facebook: @tvsarawak , @tvs122

Instagram: @tvsarawak, @TVS_Entertainment

Telegram: @tvsarawak

TikTok: @tvsarawak, @tvs_entertainment

X: @tvsarawak

YouTube: @tvsarawak, @TVSEntertainment


Berita Berkaitan