KUALA LUMPUR: Dikena nagang ulah makai suap ba dalam raban pengelikun begunaka kerejasama semua ukai semina meri tumpu ngagai penerit atur aja.
Ngambi ripot ari Berita Harian, Menteri Dalam Negeri,Datuk Seri Hamzah Zainuddin, lebuh nyebut pekara bekaul enggau makai suap iya nya enti sema nadai orang meri nyadi nadah meh orang ke nerima.
Berindik enggau nya, ku iya, pengeleda enggau pelajar sentang ulah makai suap tu mesti ngaul peranak mayuh serak enggau ba dalam servis perintah ari pemesai nyentuk ke raban penerit atur ba renggat baruh.
Pengeleda tu mega berengkah ari renggat ats iya nya ari tuai menua lalu nurun ngagai pemesai kitai enggau raban bukai enggau rayat.
Semua mesti bisi kerejasama enggau rayat enggau kitai anang suah meri tumpu ngagai raban penerit atur aja.
Nangkan ke nya, dikena ngesan tanggung pengawa nyadi peranak lalu enti sema ngereja penyalah, bayar aja kompaun ke dipinta,” ku iya dalam wawancara khas sempena pelancaran “Buku Pelan Anti Rasuah Organisasi Kementerian Dalam Negeri 2020-2024” di Kementerian dalam Negeri di Putrajaya ke dipandangka nengah Facebook maya hari empat.
Bup Pelan Anti Makai Suap Organisasyen KDN 2020-2024 udah dikemansang seriris enggau juluk perintah dalam nagang isu makai suap, pengawa pengatur enggau isu integriti ti nyadi ba dalam sistem pengatur perintah.
