Search
Close this search box.

COVID-19: Pengawa Begelumu Semina Dikemendar 200 Iku

ByIsma Haziq

KUCHING: Komiti Pengatur Penusah Ngenyit Nengeri Sarawak (JPBNS) udah ngaga pemutus berindik ari situasyen ti nyadi di Sarawak.

Ku Chairman Pengatur Penusah Ngenyit Nengeri Sarawak (JPBNS), Datuk Amar Douglas Uggah Embas, bagi pengerami rama enggau rasmi ti ngaul gempuru bebala mayuh, semina dikemendarka maksimum 200 iku aja enggau nitihka saiz endur sereta seraka fizikal. JPBN nyemetak madahka ngagai orang ke ngatur pengawa nentuka hand sanitizer disediaka, bisi seraka fizikal dingasika enggau semua ke datai mesti bekenaka sengkabung mua.

Kelimpah ari nya, semua kafe enggau restoran di pelilih Kuching semina dikemendarka 50 peratus pelanggan ke datai ari penyampau kapasiti premis.

Gerah tu deka diteritka berengkah pagi ila, iya nya 6 November 2020.

Penerit atur deka bejalaika ukum ti berat ngagai orang ke ngatur pengawa begelumu ti enda nitihka Standard Atur Pengawa (SOP) ti udah ditetapka.

Iya bejaku munyi nya ba aum pengarang berita COVID-19 di Kuching, sehari tu.

Tags: #ib

TVS provides up-to-date news, captivating dramas, and diverse program which are disseminated via channel 122 MYTV, UnifiTV and ASTRO. Stream live via MYTV Mana-Mana, UnifiTV and ASTRO GO apps now.

Follow us on social media:
Facebook: @tvsarawak , @tvs122

Instagram: @tvsarawak, @TVS_Entertainment

Telegram: @tvsarawak

TikTok: @tvsarawak, @tvs_entertainment

X: @tvsarawak

YouTube: @tvsarawak, @TVSEntertainment


Berita Berkaitan