BINTULU: Potensi industri halal dipeda makin ngerembai lalu nyadi siti industri beguna sereta relevan di Sarawak.
Ngambi ripot ari UKAS, Kaban Kunsil Nengeri (ADUN) Samalaju Majang Rengi madahka, pengawa proaktif SEDC dalam bejalaika kus BeSS MesTI halal iya nya siti singkang pemungkal ke beguna dikena nambahka pengaul orang dagang kelebih agi di nengeri Sarawak.
“ Setipikit halal ari JAIS tu lebih mudah dipinta enti sema bala kita udah teulihka setipikit BeSS tauka MeSTI ari KKM.
“Seraya dikena ngulihka kededua setipikit tu mega, pengawa bedagang kita mesti ngembuan lisin bedagang sekalika ari Opis Kaunsil Nengeri, Opis Kandang Menua tauka Opis Asil Dalam Nengeri,” ku iya.
Iya bejaku munyi nya maya Pengerami Bejadika Program BeSS MeSTI Halal di Hotel Parcity Everly Bintulu maya hari lima.
Urung 100 pesereta orang dagang Bumiputera bisi ngulu program tu ti diatur sepengelama dua hari.
Kelimpah ari nya, Majang madah, industri halal tu ukai semina ungkup orang muslim aja tang mega nyengkaum orang ukai muslim.
