Search
Close this search box.

Perintah Sarawak Seruran Ngemerat Rayat Di Menua Pesisir, Agenda Pemansang Terus Dipajak

ByIsma Haziq

TELANG USAN: Rayat Sarawak di nengeri tu kelebih agi sida ti diau di Telang Usan mesti beterima kasih enggau pemansang ke bisi enggau deka terus dipejalaika dikena nangkup peminta guna peranak setempat.

Ngambi ripot ari UKAS, Kaban Kunsil Nengeri (ADUN) Telang Usan madahka, tu ulih dipeda kita maya Sarawak ngungkupka enggau ngambi pulai projek pemansang ti patut dipejalaika Perintah Besai enggau ti udah dikinsilka Perintah Pakatan Harapan (PH) sebedau tu dikena nentuka rayat di Sarawak bulih pemansang.

Ku iya, enti nitihka sistem lama, tiap peminta projek ti besai kus ya deka dipasukka ba dalam pelin Lumpar Malaysia enggau dibai ke Kuala Lumpur dikena minta pemendar. Pekara nya begunaka timpuh ti panjai dikena nganti pemutus.

Iya bejaku munyi nya lebuh bejaku ba Program Pengawa Nyereta Mensia Mayuh Bagi Nyendia Perambu Pelin Pemansang Pekan Long Lama, Kandang Endur Telang Usan di dewan SJK (C) Kee Tee Long Lama maya hari dua.

Nambahka nya, ku Dennis agi, inisiatif Sarawak nengah Ejensi Pemansang Tanah Tinggi (HDA) ti ngungkupka RM1.5 bilion dikena ngemansang projek pemansang di kandang endur tanah tinggi tu iya nya dikena nentuka tiap peranak di menua pesisir bulih pemansang ti sama baka di mengeri.

Pengawa ngatur program tu ngembuan juluk deka ngulihka input enggau perambu ari mensia mayuh kelebih agi peranak Telang Usan nya empu sentang aspirasyen enggau juluk bekaul pemansang di Long Lama nyerumba taun 2030.

Tags: #ib

TVS provides up-to-date news, captivating dramas, and diverse program which are disseminated via channel 122 MYTV, UnifiTV and ASTRO. Stream live via MYTV Mana-Mana, UnifiTV and ASTRO GO apps now.

Follow us on social media:
Facebook: @tvsarawak , @tvs122

Instagram: @tvsarawak, @TVS_Entertainment

Telegram: @tvsarawak

TikTok: @tvsarawak, @tvs_entertainment

X: @tvsarawak

YouTube: @tvsarawak, @TVSEntertainment


Berita Berkaitan