WASHINGTON: Kena hari dua, Bank Dunya madahka Opis Direktor Eksekutif ngemendar US$12 billion dikena mayar sereta nyadung vaksin, pengawa meresa sereta ngubat COVID-19 ngagai menua ti mansang, ripot Agensi Berita Xinhua.
Ungkus nya dikena nyukung program vaksinasi ngagai sejuta iku orang, sekeda pakej Bank Dunya kesemua iya nya penyampau US$160 juta nyentuk jun 2021 dikena mantu menua ti mansang ngelaban pandemik.
Ungkus baru tu ungkup program timbal ngenyit COVID-19 Bank Dunya ti mungkur 11 buah nengeri.
Kes COVID-19 global ngelui 38 juta maya lemai hari dua, enggau lebih sejuta iku pemati diripotka,nitihka data Johns Hopkins University.
Nangkan ka nya, ba ripot Prospek Ekonomi Dunya ti dipansutka maya hari dua, tabung duit entarabansa (IMF) melabaka ekonomi global penyampau 4.4 persen maya 2020, meri gerah sentang krisis tu dipelabaka besai deka “ majak nyadi kena timpuh ti panjai sereta enda tentu.
