KUCHING , 18 Ogos 2022 : Komiti Eksekutif Sarawak Dayak Graduate Association (SDGA) udah betemu enggau Menteri Pelajar, Inovasyen Enggau Pemansang Pengelandik Datuk Roland Sagah Wee Inn enggau Sapit Menteri ba Opis Premier Sarawak ( Undang-undang enggau Adat Bumiputera ), Jefferson Jamit.
KUCHING, 11 Ogos: Tubuh siku lelaki orang lunggar umur ditemu melepu ba tebing sungai Sarawak di Kampung No.6 Jalai Patingan, pagi tadi.
BETONG, 27 Julai: Bisi 29 iku pengempu tanah alai Projek Nangkir Genturung Pendiau (SPK) ba sepemanjai Jalai Suri di Debak udah nerima chek pampas tanah sida ti beungkus RM2.36 juta ensanus.
KUCHING, 24 Julai: Raban pengemeran industri filem drama tauka filem kelulu sekalika serikat tauka siku-siku orang mesti bisi lisin ari Perbadanan Kemajuan Filem Nasional Malaysia (FINAS).
Tuai Penerit Atur FINAS Pampang Sarawak, Zulkurnanin Hassan madahka, tu laban ba dalam industri filem di Malaysia siku-siku orang mesti udah bisi lisin sebedau bejalaika sebarang aktiviti filem ti nyengkaum ngeluarka filem nya ba stesyen tv.
Tiga iti bansa lisin tu iya nya ‘pengeluaran filem’, ‘pengedaran filem’ enggau ‘pemameran filem’.
Berindik ari nya, pengemeran industri filem tauka produser mesti ngembuan ketiga-tiga lisin tu ari FINAS.
“Ba ketiga-tiga aktiviti tu, orang ti ngeluarka filem enda ngira sesapa ti deka ngaul diri ba aktiviti filem, drama tauka filem kelulu dipansutka ba stesyen TV tauka panggung wayang mesti bisi lisin ari Finas,” ku iya.
Iya mansutka jaku nya rambau ba program Sejahtera Asia lebuh Hari Minggu.
Ku iya madah, perintah udah numbuhka siti ejensi nengah FINAS dikena ngemansangka agi industri filem menua.
Ba awak ke sama, tuju FINAS netapka lisin enggau neritka atur dikena nagang aktiviti filem dalam menua ti deka dipansutka ba sebarang bagi stesyen tv tauka panggung wayang.
” Dalam Seksyen 22 (1) akta nya netapka sesiku orang ti ngaul diri ba aktiviti ‘pengeluaran filem, ‘pengedaran filem’ enggau ‘pemameran filem’ enda tau enda bisi lisin ke sah ari Finas dulu,” ku iya.
Ambika banding, sesiku orang tauka serikat ti deka ngeluarka filem ba stesyen tv patut bisi lisin dulu.
Tu mega nyengkaum lisin ngimport, ngidar filem nyema deka ngimport filem ari menua luar dibai masuk ke Malaysia.
GEDONG, 16 Julai: Perintah Sarawak terus chakah ngatur sekeda program enggau chara ti pemadu engkeman dikena mutarka isu salah nguna dadah di nengeri tu, lebih agi ngaul raban nembiak.
