KUCHING, 30 Nov: Perintah Sarawak diatu benung dalam proses netapka atur enggau nguna sereta tusun pengawa minta sebedau ngemendarka ubah reti jaku ‘asal’.
KUCHING, 30 Nov: Perintah Sarawak diatu benung dalam proses netapka atur enggau nguna sereta tusun pengawa minta sebedau ngemendarka ubah reti jaku ‘asal’.
KUCHING, 30 Nov: Kaunsil Tusun Adat Sarawak (MAIS) diatu dalam proses meresa baru tujuh adat ti dikategorika awak senutuk enggau penyadi rama dalam komuniti.
MUKAH, 29 Nov: Semua gerija raban Kristian di Mukah deka ngambi bagi bejalai bebala mayuh kena 10 Disember tu ba Astaka Dataran Menara Pehin Setiaraja.
KUCHING, 29 Nov: Perintah Sarawak setuju ngeluarka dokumen sementara (DSITKS) ngagai orang tauka nembiak ti ada ba Sarawak beumur baruh ari 21 taun sereta empai ngembuan status peranak menua, ku Dato Sri Fatimah Abdullah.
KUCHING, 28 Nov:Kaban Parlimen HuluRrajang, Datuk Wilson Ugak Kumbong, ngarapka perintah sarawak ulih diberi kuasa penuh nguna bajet 2023 dikena ngatur ba pemansang menua pesisir.
Kebuah pia, ku iya, pekara nya beguna dikena ngemuntangka Sarawak empu ngatur pengawa pemansang ke lebih manah ungkup pengelantang rayat lebih agi ba juluk ngedut seraka pemansang ba kandang menua pesisir enggau mengeri.
Nya alai, ku iya, beguna bendar tejuka ngagai perintah Sarawak ngatur pengawa pemansang infrastruktur baka jalai alun, bekal ai, bekal api lebih agi di menua ulu.
Pia mega, agih ke diberi patut mungkur semua sukut dikena ngerapitka agi takah pemansang di mengeri enggau menua pesisir.
“Nyadi kitai ngarap ke perintah pegai Menteri Besai, Datuk Seri Anwar Ibrahim tu ila ulih mekuh ngagai menua pesisir dipelaba ke aku ke lumur satu enti ulih agih nya diberi ngagai nengeri Sarawak awak ke nengeri Sarawak ngatur iya manah ke agi ari ke nengah KPLB,” ku iya lebuh dirandau pemberita TVS lebuh Hari Satu.
Ku iya nambah, agih belanja pemansang menua pesisir Sarawak mega patut enda ibuh nengah Opis Menteri Pemansang Menua Pesisir (KPLB) dikena nentuka projek pemansang mujur dipejalai.
“Aku meri chunto baka siti jalai ke dipinta aku ba KPLB berapa lama ari suba, diatu pan bedau mih digaga. Nyadi aku deka minta nya ila iya nya madahka enggau perintah besai ba Bajet 2023 ila ngasuh semua agih ungkup bekal ai, api enggau ngadu jalai raya ngagai menua ulu diberi ngagai Sarawak laban sida ti Kuala Lumpur pan meri kuasa ngagai kitai JKR Sarawak ditu .
“Nyadi bagi aku manah agi beri agih belanja nya Sarawak awak menua Sarawak begulai enggau duit Sarawak nampung projek menua pesisir ngambika nyamai agi dikereja kitai,” ku iya.
