KUCHING, 24 Jun: Tetiap iku pedagang ngembuan chara tauka strategi diri empu dalam pengawa dagang dikena ngelakuka produk sida.
Siku pedagang Nyor Shake Ohhaa,  Didi Aryanto Solong madahka, trend bejual enggau rega ti murah siti ari strategi ke ulih mantu ngelakuka kualiti produk.
Pia mega ulih  narit ati raban ti kurang penatai pemisi bela ngasaika kualiti produk enggau rega ti murah.
Trend bejual enggau rega ti murah ukai semina dikena ngelakuka produk tang mega ulih narit ati penguna ngambika enda tinggal ari meli produk nya.
Ku iya madah, taja sekeda pedagang bejual enggau rega murah tang kebendar iya pekara nya enda ngachau rega ba makit.
” Rega murah kebendar nadai ngachau dagang orang, laban kitai ti nyadi pedagang patut pechaya enggau kualiti produk diri empu.
“Rega ti murah nya mih pelasar dikena kitai ngelakuka kualiti produk ngambika penguna pechaya, taja rega mudah tang kualiti manah,” ku iya.
Iya mansutka jaku nya lebuh bejaku ba program Sejahtera Asia lebuh hari lima.
Ku iya madah,  pengawa dagang begunaka strategi ti manah dikena matak pemeli ngambika rindu bebelika produk ti bisi kualiti.
Nya kebuah, iya ngambi inisiatif bejual enggau rega ti murah sereta enda ngambi untung mayuh dalam siti-siti produk.
” Taja dijual enggau rega ti murah tang ari kuantiti mayuh.Nyadi reti nya, kitai bejual mar pan kuantiti mimit aja tang lebuh kitai nyual murah deka bulih kuantiti mayuh agi dibanding enggau ke mar,” ku iya.
Iya mansutka jaku nya lebuh bejaku ba program Sejahtera Asia lebuh Hari Lima.-TVS