SRI AMAN: Ungkup dikena nimbuk enggau nembuka taba tanah Rumah Panjai Waine ti bepenyampau RM200, 000 iya nya ungkup projek Transformasyen Menua Pesisir (RTP) Kaban Parlimen Batang Lupar 2019.
Ngambi ripot ari UKAS, Penyanding Penemu Khas di Opis Kepala Menteri Sarawak ke mega Kaban Parlimen Batang Lupar, Dato Sri Rohani Abdul Karim madahka, penyampau nya ngaul 13 pintu enggau tetiap pintu udah bulih pinjau skim pinjau pengawa ngaga rumah panjai (HDC) ti beungkus RM30, 000.
Iya bejaku munyi nya lebuh Pengerami Mechah Tanah Rumah Waine Tawang Ili, di Tanjung Bijat maya hari dua.
Kelimpah ari nya, Rohani mega madahka sentang pejurai Ejensi Pemansang Sri Aman (SADA) kenyau 19 Januari 2020 ti udah, iya nya ngembuan juluk dikena ngelengkaska pemansang di Pelilih Sri Aman.
Terang iya, licha bekaul pengerembai pemadu baru Ejensi Pemansang Sri Aman (SADA) ngagai Ketuai Peranak enggau Ketuai Raban Bansa (KMKK), Gerempung Ukai Dikuasa Perintah (NGO) enggau Ketuai Rayat Setempat mesti diatur dikena meri penerang ti pemadu baru sentang pemansang SADA ti deka dikenataika ngagai semua tikas mayuh serak.
