KUCHING, 13 Jun: Ukum mati agi diteritka ba dalam undang-undang Malaysia.
Menteri ba Opis Menteri Besai (Parlimen enggau Undang-Undang), Datuk Seri Dr Wan Junaidi Tuanku Jaafar madahka, ukum mati agi diteritka taja perintah udah ngetuka ukum mati mandatori kena 8 Jun ke udah.
Ku iya, perintah udah setuju ngetuka ukum mati mandatori lalu diganti enggau ukum ke bukai ti bepanggai ba kuasa kort.
Reti nya, perintah nadai agi bejalaika ukum mati mandatori tang ba kort ukum nya agi bisi.Â
“Ukum mati di malaysia agi bisi, utai ke deka kitai ti udah dipesetuju kabinet kena 8 jun iya nya ngetuka ukum mati mandatori, tang ukum mati agi ba dalam undang-undang malaysia taja deka dikemaduka,”ku iya dalam aum media di Putrajaya Lebuh Hari Satu.
Ku iya madah, ukum mati mandatori ditetapka bepelasarka  kes jenayah iya nya orang ti ditetapka salah bisi kaul enggau kes jenayah deka diukum mati baka ba baruh Seksyen 302 Kanun Keseksaan.
