Kuching, 11 Jun: Aum besai Tiga Taun Sekali (TGM) Parti Pesaka Bumiputera Bersatu (PBB) Ke-15 deka diatur kena 17 nyentuk 19 Jun 2022 di Palan Konvensyen Borneo Kuching (BCCK)
Sapit Premier Sarawak, Datuk Amar Douglas Uggah Embas madahka, tuju aum besai PBB tu diatur iya nya berandauka isu ke bekaul enggau mekuhka pekara pemansang di Sarawak.
“Dijangka lebih 2,420 iku pengari parti ari 82 pampang PBB di serata nengeri datai ngulu aum besai nya ti diatur pengelama tiga hari berunggu.
“Premier Sarawak ti mega Presiden Parti Pesaka Bumiputera Bersatu (PBB) deka bejadika aum besai tu kena 18 Jun 2022,” ku iya.
Iya mansutka jaku nya rambau aum media ba Indu Opis PBB di Kuching, lebuh Hari Enam.
Uggah ke mega Chairman Pengatur Komiti madahka, bisi 16 buah komiti udah ditumbuhka dikena nentuka aum besai PBB Ke-15 bejalai enggau lanchar.
Ku iya madah, aum ungkup raban nembiak enggau orang indu PBB deka diatur sehari iya nya kena 17 Jun lalu aum besai PBB kena 18 enggau 19 Jun 2022.
