Lapan sekula di Sri Aman nerima bantu bup enggau ABM

SRI AMAN, 21 Mac: Bisi 8 buah sekula di sitak Simanggang nerima bantu bup sereta kereban ngajar (ABM) Ari Tay Motors.
Sapit Menteri Pelajar, Inovasyen enggau Pemansang Pengelandik Sarawak, Datuk Francis Harden Hollis madahka, inisitif tu diambi dikena mantu ngelempungka tating apai indai nembiak.
Harden madahka bantu ungkup nembiak tu udah diserahka harden empu ke diatur di sebuah restoran lebuh Hari Minggu.
“Aku meri terima kasih ngaagai raban Nembiak SUPP pampang Simanggang laban udah ngambi inisiatif dalam mantu ngelempungka tating bala apai indai ti bisi anak besekula si sekolah kebangsaan Cina dalam Bagi Menua Sri Aman,” ku iya dalam siti penerang.
Iya ke mega Kaban Kunsil Nengeri (Adun) Seminggang madahka, tuju program tu diatur mega dikena meri peluang ngagai nembiak ke kurang penatai pemisi di kandang menua pesisir dikena meransang sida ngambika ransing agi besekula.
Entara sekula ke nerima bantu iya nya SJK(C) Chung Hua Simanggang, SJK(C) Chung Hua Batu Lintang, Undop, SJK(C) Chung Hua Lingga, SJK(C) Chung Hua Engkilili, SJK(C) Chung Hua Bangkong, SJK(C) Chung Hua Pantu, Simanggang Soon Heng Kindergarten enggau Methodist Church Simanggang Kindergarten.
Sepenyampau 568 beg sekula enggau 2039 kutak sengkabung mua udah diberi ba program nya.
Sama bisi datai ba program tu iya nya raban nembiak Parti Sa’Ati Rayat Sarawak (SUPP) Pampang Simanggang.