BISI 1,209,694 tauka 34.1 peratus pemayuh nembiak mit ti beumur lima nyentuk ke 11 taun di menua tu udah nerima dos satu vaksin COVID-19 nengah Program Betuchuk vaksin COVID-19 Menua Nembiak Mit (PICKids).
Bepelasarka penerang ari web COVIDNOW, pemayuh nembiak ke beumur 12 nyentuk ke 17 taun sepenyampau 2,840,296 iku tauka 91.3 peratus udah nerima dua dos vaksin COVID-19, seraya 2,939,622 iku tauka 94.5 peratus ari raban nya udah nerima satu dos naka kemari.
Ungkup orang besai tuai, bisi 15,393,296 iku tauka 65.4 peratus udah nerima dos penyungkak COVID-19, sepenyampau 22,939,552 iku tauka 97.5 peratus ari pemayuh raban nya udah nerima dua dos vaksin sida seraya 23,215,558 iku tauka 98.7 peratus udah nerima satu dos vaksin.
Nangkan ke nya, penyampau vaksin ninting hari ke udah diberi naka kemari, bisi 47,773 dos vaksin udah diberi ke ngaul 12,788 dos satu, 1,927 dos dua enggau 33,058 dos penyungkak.
Tu nyadika penyampau semua dos vaksin ke udah diberi nengah Program Betuchuk Vaksin COVID-19 Menua (PICK) diatu manggai 68,328,203.
