KUCHING,11 Feb:Penusah angus ti nyadi ba sebuah woksyop di Jalai Ellis, Kuching tumu pagi tadi ngujungka kira-kira 100 buah mutosikal ba endur nya angus lengis.
Nitihka Jurujaku Bomba Sarawak dalam siti penerang madah, sida nerima kangau ngenyit urung pukul 2.26 pagi sebedau ngerah seraban bomba ngagai palan penusah nya.
Ba penusah nya mega, bisi 2 buah rumah dua ringkat angus empa api.
Taja pia, api mujur dipadamka raban balai bomba enggau penyelamat BBP Padungan enggau Batu Lintang pukul 4.52 pagi tadi.
Nadai sebarang bakal diripotka ba penusah nya enggau kebuah penusah angus nyadi agi ditasat.
