ASAJAYA, 6 Dis : Bisi empat chalun betanding ba sitak Kerusi Kunsil Nengeri (DUN) Asajaya ba Pengawa Bepilih Nengeri (PRN) Ke-12 sekali tu.
Pegawai Pengatur Pengawa Bepilih DUN Asajaya, Rais Ahmad ngesahka Komiti Pengawa Bepilih (SPR) nerima empat pom nama chalun ke bediri pengudah proses mantah tembu.
Chalun Gabungan Parti Sarawak (GPS), Dato Sri Abdul Karim Rahman Hamzah ti mega penyandang keterubah lalu ditangkanka chalun Parti Keadilan Rakyat (PKR) Mahmud Epah.
Chalun ari Parti Sarawak Bersatu (PSB), Ishak Buji enggau Mohamad Mahdeen Saharuddin ari Parti Bumi Kenyalang (PBK) disahka bediri ba sitak nya.
Ke rikod, ba PRN Ke-11 ke dulu, empat parti iya nya Parti Pesaka Bumiputera Bersatu (PBB), Parti Rakyat Sarawak (PRS), Parti Bersatu Rakyat Sarawak (SUPP) enggau Parti Demokratik Progresif (PDP) diatu kompenen GPS menang kerusi nya nengah Abdul Karim ti bulih 6,163 undi ngalahka chalun ari PKR, Abang Junaidi Abang Gom ti semina bulih 2,805 undi.
