SRI AMAN, 29 November: Pengelantang komuniti Cina endang dikemeratka perintah nengah bemacham bantu ke diberi baka bantu ari Unit Pekara Pengarap Bukai (UNIFOR).
Menteri Muda Pengelantang Komuniti, Datuk Francis Harden Hollis madahka, UNIFOR bisi meri agih belanja ungkup rumah sembiang, kuil enggau tokong kelimpah ba pemansang bidang pelajar.
“ Aku optimis komuniti Cina endang ngembuan runding ti jauh ke mua, ngemeratka pamsang lebih agi ba sektor ekonomi.
“Nya alai, sida deka milih chalun Gabungan Parti Sarawak (GPS) ti ulih mai pemansang,”ku iya dalam siti penerang kena Hari Minggu.
Ba awak ke sama, Harden madahka diri deka ngetanka kerusi N.32 Simanggang nyadi chalun GPS.
Berebak enggau nya iya minta sukung komuniti Cina ngambika agenda pemansang ba sitak Simanggang ulih diteruska.
Sebedau tu, Harden bisi ngulu pengawa beripai ke diatur Komiti Pemansang Genturung Pendiau (JKKK) Cina Pasir Panas Lorong 1 di Taman Pasir Panas.
Nengah pengawa tu mega, ulih nyungkak pemereti ati komuniti senentang guna nyaga pemanah kandang rampa menua.
