MIRI: Datuk Bandar Kaunsil Mengeri Miri (MBM) Adam Yii dijangka nyadi chalun Gabungan Parti Sarawak (GPS) sitak Kunsil Nengeri (DUN) Pujut ba Pengawa Bepilih Nengeri (PRN) Sarawak Ke-12 tu ila.
Adam Yii ke mega Chairman Parti Rakyat Bersatu Sarawak (SUPP) pampang Pujut andal deka meri servis pemadu manah ke rayat enti diberi peluang nyadi pengari rayat sitak nya.
“Dipelaba (nyadi chalun). Nyadi kitai mesti nganti Chairman GPS (Tan Sri Abang Johari Tun Openg) madahka pekara nya,” ku iya madah.
Ba PRN ke suba, kerusi DUN Pujut diempu Parti Tindakan Demokratik (DAP) ngayanka pengundi endur nya milih meri undi ngagai parti penyakal.
Taja pia ku iya, diatu udah berubah nitihka arus pemansang ke alai isu ke dibantai chalun DAP sitak nya suah berubah.
Adam Yii dipeda siku chalun ti engkeman ba sitak Pujut laban iya sigi udah dikelala semak 30,000 iku pengundi tebal agi ari komuniti Cina.
Ke rikod, ba PRN Sarawak Ke-11, chalun SUPP Hii King Chiong alah ba sitak DUN Pujut enggau chalun DAP Dr Ting Tiong Choon menang enggau majoriti 1,759 undi.
