KUALA LUMPUR, 18 Nov: Bisi 108 surat setuju nerima SST ungkup projek pengawa berumah ti dikemendarka perintah besai udah diserahka ngaga kompeni ke bekaul nyentuk ke bulan 11.
Menteri Kanan Kereja Raya, Dato Sri Fadillah Yusof madahka, pengawa nya seriris enggau taga perintah deka nyerahka 120 SST ngagai kompeni ke bekaul dalam timpuh 100 hari pemujur opis menteri nya bejalaika pengawa.//
Iya nerangka, nya sebagi ari pengawa Opis Menteri Kereja Raya (KKR) ngemujurka agenda mulaika pemanah ekonomi ungkup sektor pengawa berumah, lebih agi nambahka infrastrakcha rayat.
“Nama empas ke manah ngagai rayat? Kunteriktor deka bulih projek lalu enti sema nerima projek ungkup deka dikemendarka.
“Tu seraya ulih meri peluang pengawa ngagai rayat enggau muka peluang ekonomi ngagai pemekal sektor pengawa berumah di menua tu,” ku Fadillah madah.
Kelimpah ari nya, Fadillah madahka, pengawa tu mega muka peluang ekonomi ngagai konsultan, luyar, bank sereta ngemesaika agi peluang pengawa enggau sektor ekonomi ti meri bekau ke chukup manah ba sukut pemansang menua.
Kelimpah ari nya, KKR diatu benung berunding enggau serikat konsesyen jalai besai dikena nentuka rega tol enda ditikika sereta netapka rega tol baru ke lebih murah ngambika enda nambahka pemerat tating belanja rayat.
Iya bejaku munyi maya bekunsika aspirasyen Keluarga Malaysia ba baruh Opis Menteri Kereja Raya (KKR) dalam program Selamat Pagi Malaysia sehari tu.
