KUCHING, 15 NOVEMBER : Sarawak kena hari Satu ngerikodka 287 kes baru positif COVID-19 enggau 12 kes pemati.
Pia mega, nadai kluster baru diripotka sereta bisi siti kluster udah pukas naka hari Satu.
Ku Komiti Mutarka Penusah Ngenyit Negeri (JPBNS) Sarawak madah, kes positif COVID-19 baru ti diripotka kena hari satu ngujungka semua kes nambah ngagai 247,667 di serata nengeri.
Ari penyampau kes nya, 276 kes positif COVID-19 ba baruh kategori 1 enggau 2 lalu sebelas kes positif COVID-19 ba baruh kategori tiga, empat enggau lima.
Kuching mengkang ngerikodka kes pemadu tinggi iya nya 86 kes, ditangkan ke Miri 47 kes enggau Sibu 33 kes.
Pia mega, sarawak ngerikodka dua belas kes pemati ti ngaul sida ke bisi penyakit raya.
Kelimpah ari nya, bisi siti kluster udah pukas iya nya Kluster Long Urun, Belaga.
Kluster ke mengkang aktif di Sarawak iya nya 10 kluster.
