KUALA LUMPUR, 3 NOVEMBER: Bisi 22,393,720 iku orang tauka 95.7 peratus rayat besai tuai di menua tu udah nerima kedua-dua dos vaksin COVID-19, naka pukul 11.59 malam kemari.
Ngambi penerang ari Bernama, bepelasarka data ari Opis Menteri Pengerai Malaysia (KKM) nengah laman COVIDNOW, bisi 22,885,170 iku tauka 97.8 peratus udah nerima satu dos vaksin.
Naka kemari, bisi 122,142 dos vaksin ninting hari udah diberi ti ngaul rayat besai tuai enggau raban nembiak ti nyadika penyampau kumulatif vaksin ke udah diberi ba dalam Program Betuchuk Vaksin COVID-19 Menua (PICK) diatu udah manggai 50,306,343 dos.
“Ungkup anak mit enggau nembiak ke beumur 12 nyentuk ke 17 taun, naka kemari bisi 2,171,270 iku tauka 69 peratus udah nerima kedua-dua dos vaksin.
“Nangkan ke nya, seraya 83.2 peratus tauka 2,619,573 iku udah nerima satu dos vaksin nengah PICK Nembiak ti berengkah dipejalaika kenyau ari 8 September ke udah,” ku penerang nya madah.
Kelimpah ari nya, bisi 56,493 dos penyungkak vaksin COVID-19 udah diberi naka kemari ti nyadika penyampau kumulatif diatu manggai 407,607 dos.
