KUCHING:Pemindang Sapit Kepala Menteri, Tan Sri James Jemut Masing pengelenyau besai ngagai Sarawak ti udah bendar ngangkatka komuniti Dayak, pia ku Kaban Kunsil Nengeri (ADUN) Tamin, Ir. Christopher Gira Sambang.
Ku iya madah, niang Tan Sri James Jemut Masing entara siku pengari rayat ti siruka rayat enggau mayuh mai pemansang ngagai Sarawak lebih agi ba sitak pegai iya.
Berebak enggau nya, iya ngenataika penyinu ati ngagai sida niang sebilik.
Nitihka penerang, Tan Sri James Jemut Masing diripotka udah nadai urung pukul 7 pagi tadi.
Niang diripotka bisi penyakit lalu sebedau tu iya mega disahka positif Covid-19 kena 28 September nyin tadi.
Niang diripotka udah nadai ba sepital Normah, Kuching.
