SARIKEI: Kaban Kunsil Nengeri (ADUN) Pakan, Tan Sri William Mawan Ikom bisi nyuaka geran Projek Mit Pemansang Menua Pesisir (Mrp) ngagai Kelab Sokanjaya Opis Kereja Raya (JKR) Sarikei, kena Hari Lima tu tadi.
Sepenyampau RM10,000 geran MRP diagihka ngagai Sokanjaya JKR Sarikei ti diarika Divisional Engineer, Toh Chee Leong.
Berebak enggau nya, Mawan ngarap geran ke diberi ulih mantu kelab Sokanjaya JKR Sarikei bejalaika aktiviti sida.
Ba awak ke sama, iya bisi pengarap bendar JKR terus komited dalam bejalaika pengawa pemansang lebih agi ba sitak DUN Pakan.
