SRI AMAN: Raban pekebun di sitak Kunsil Nengeri (DUN) Simanggang nerima bantu sum lada enggau sawit.
pengawa nyerahka bantu sum tu dipenyadika Menteri Muda Pengelantang Komuniti, Datuk Francis Harden Hollis ke diatur Opis Betanam Betupi Pelilih Sri Aman ba opis peladang empai lama.
Harden ke mega Kaban Kunsil Nengeri (ADUN) Simanggang madah, inisiatif meri bantu sum ungkup raban pekebun tu ke tuju dikena ngangkatka tikas asil kelimpah ngelempungka tating ke ditapi sida.
Ku iya madah, bantu tu deka meri pemaik ngagai 106 iku pesereta ti mungkur 58 iku pesereta pekebun lada enggau 48 iku pekebun sawit ba baruh Agriculture Facilitation Fund (AFF) .
“Bantu baja tu dipelanja perintah nengeri Sarawak nengah Opis Betanam Betupi Sarawal dikena ngelempungka tating raban pekbun dalam napi pemar ketegal Atur Nagang Pemindah dikena nagang pengekai Covid-19,” ku iya dalam siti penerang.
Ku iya madah,tetiap pekebun tu nerima 12 kampit sum pemerat 50 kg enggau ngarap pekebun nguna manah bantu ke diberi perintah dikena ngangkatka tikas pengidup sida.
