MIRI:KAban Kunsil Nengeri (ADUN) MARUDI, Datu Dr Penguang Manggil nyuaka chek duit turu UNIFOR ngagai sekeda gerija ungkup taun 2021 ke diatur ba Palan Servis N76 Pampang Beluru, kemari.
Ku iya madah, entara penerima duit turu tu iya nya Gerija Kelompok Pekan Lapok (RM150,000) ti diarika Laing Emang , Pengarap Bahai Long Tisam (RM70,000)diarika Sunting Bugah, Gerija St.Matthias Sungai Sebindang Bok Tinjar (RM150,000)
diarika Riang Rajak enggau Gerija St Teresa Kampung Mission Ulu Tinjar (RM170,000) diarika Joseph Sibo Seran.
Dianggarka semua penyampau ungkus duit turu nya manggai RM540, 000.
Kelimpah ari nya, iya mega bisi nyuaka chek Projek Mit Menua Pesisir (MRP) ngagai pengari Gerempung Apai Indai Enggau Pengajar (PIBG) Sk Sungai Bong sepenyampau RM10,000 enggau Komiti Pemansang Enggau Genturung Pendiau (JKKK) Rumah Jinggau Bukit Limau B RM15,000.
Ba awak ke sama, Penguang mega bisi nyuaka setipikit Darjah Kebesaran ngagai Penghulu Musin anak Radin (Pingat Pegawai Bintang Kenyalang, PBK) enggau Penghulu Abdullah Bin Samat (Ahli Bintang Kenyalang, ABK).
Ku iya madah, pingat tu diberi beserimbai pengerami hari pengada Tuai Megai Menua (TYT) ke-85 kena 9 Oktober tu tadi.
