MUKAH, 16 Okt : Bisi siku lelaki ke beumur 54 taun ditan polis sereta ngerampas 32,000 liter minyak diesel ke beungkus RM68,800 ketegal mai minyak diesel nya enggau nadai pemendar tauka nadai ngembuan sebarang dokumen ti sah di Mukah kena 15 Oktober 2021.
Ku Tuai Polis Pelilih Mukah DSP Muhamad Rizal Alias madah, polis mega bisi ngerampas lori ti beungkus RM250,000.
Lelaki nya ditan ba endur empang jalai alun di kilometer 70 Jalai Sibu-Bintulu urung pukul 12.30 ngalih hari kemari.
Entudika nya, kes nya ditasat ba baruh Seksyen 20 (1) Akta Kawalan Barang ketegal nadai ngembuan sebarang dokumen ti sah ari Opis Menteri Dalam Menua enggau Pekara Bebelika Barang (KPDNHEP).
Ku iya nambah agi, semua barang ke dirampas dibai ngagai KPDNHEP kena bejalaika atur ti patut.
