MIRI: Bisi 23 buah rumah panjai nerima Skim Duit Jali Berumah Perintah Sarawak (HDC) di sitak Kunsil Nengeri (DUN) Marudi.
Kaban Kunsil Nengeri (ADUN) Marudi, Datu Dr Penguang Manggil madah, skim HDC tu meri pemaik ngagai 485 ruang bilik kenyau iya ti udah nyadi pengari rayat ba sitak nya ba taun 2016.
Dalam siti penerang ba laman facebook iya kena Hari Lima madahka perengkaguna kena pengawa berumah beungkus manggai RM14.55 juta.
Iya ke mega Menteri Muda Kaunsil Kandang Menua madah, ungkus belanja nya enda nyengkaum dua buah rumah panjai iya nya Rumah Langat Anthony Collins Enggau Rumah Jeff Anchum ti udah angus bulan Februari 2018 enggau April taun tu tadi.
Berebak enggau nya, iya meri terima kasih enggau meri puji ngagai semua ke dipilih nerima skim HDC ungkup ke taun tu.
Ba awak ke sama, Datu Dr Penguang mega ngarap nya ulih ngelempung tating peranak ti begagaka rumah panjai baru sida.
