SERIAN, Okt 12 : Bisi siku lelaki ke bebadi nyawa ditemu ba dalam parit di Jalai Chung Hua, Serian dipelabaka bisi kaul enggau penusah jalai alun.
Ku Tuai Polis Pelilih Serian DSP Aswandy Anis madah, tubuh tudah ke beumur 39 taun ditemu mensia mayuh urung pukul 3.30 lemai.
Ku iya madah, seraban polis ari Indu Opis Polis Pelilih (IPD) Serian terus ngagai palan alai penusah nya nyadi lalu dia’ sida tetemuka tubuh enggau sebuah mutosikal.
“Asil pansik tumu tetemuka maya penusah nya nyadi, mutosikal ke ditepan iya ari Jalai Serian bypass ensayar lalu labuh ke dalam parit,”
“Tudah ditetapka bebadi ba endur nya,” ku iya madah.
Ku iya nambah agi, tubuh tudah ti berasal ari Serian lalu dibai ngagai Opis Perubat Forensik Sepital Serian.
Kes tu ditasat ba baruh Seksyen 41 (1) Akta Perengka Pengangkut Jalai Alun 1987.
