SIBU, Okt 11: Bisi siku pedagang roti canai mujur ditan ketegal nyual dadah di tisi jalai Selangau-Bintulu kena hari Minggu.
Tuai Polis Pelilih Mukah DSP Muhamad Rizal Alias madahka saspek indu ke beumur 40 taun ditan urung pukul 5.45 lemai laban ngembuan dadah bansa Methamphetamine enggau pemerat 51.60 gram ti dianggarka RM 5,160.
Asil peresa ba entukar saspek, polis tetemuka siti paket plastik besai ba beg chelum lalu dalam nya dua iti paket plastik burak ngundan igi kristal ti dipelabakaka dadah bansa Methamphetamine.
Muhamad Rizal madahka saspek dibai ngagai seksyen Tasat Pengawa Jai Narkotik bejalaika peresa ai kemi lalu ditemu positif.
Sebedau tu, asil tasat tumu saspek nya udah lama bekaul enggau aktiviti dadah kenyau ari taun 2010.
Ku iya nambah agi, saspek sereta barang ke dirampas dibai ngagai balai polis mukah enggau kes tu ditasat ba baruh Seksyen 39 (B) Akta Dadah Berbahaya 1952.
