KUCHING: Perintah besai setuju ngemendarka rayat Malaysia bejalai nemuai ke menua luar ti enda nengah #MyTravelPass Opis Imigresyen.
Menteri Besai, Datuk Seri Ismail Sabri Yaakob madah, pemutus ngemendarka tu diteritka berengkah 11 Oktober 2021 tu.
“Taja pia, bala temuai agi mesti bejalaika kuarantin pengudah pulai ari menua luar,” ku iya ba aum media khas ti dipansutka ba stesyen TV dalam tali arus sehari tu.
Ku iya madah, penetap tu diungkupka ngagai sida ti udah nembuka dua dos vaksin.
Berebak enggau nya, semua peranak Malaysia diatu ulih ke menua luar nyangkuam aktiviti ukai rasmi baka bejalai ngelantangka ati ti bepenetap tang mesti udah nerima dua dos vaksin.
