KUCHING, 9 Oktober: Bisi 1,326 iku penerima gelar pangkat basa diri, bintang enggau midul Sarawak beserimbai enggau hari pengada ke-85 Tuai Pemegai Menua (TYT) Tun Abdul Taib Mahmud maya Hari Enam.
Ratu terjun menua Pandelela Rinong Pamg nerima darjah Panglima Setia Bintang Sarawak (PSBS) ti mai gelar “Dato” .
Kelimpah ari nya, bisi 17 iku penerima ke nerima gelar ke sama iya nya Senator Zaiedi Suhaili, Senator Dr Nuing Jeluing sereta Sapit Komisioner Polis Sarawak DCP Mancha Ata.
Berebak ari nya, Yang Dipertua Dewan Negara Lama Tan Sri Abang Ahmad Urai Datu Abang Mohideen nerima gelar pangkat basa Yang Amat Mulia Bintang Kenyalang Sarawak Datuk Amar Bintang Kenyalang (DA) ti mai gelar “Datuk Amar”.
Kaban Kabinet Keterubah Lama Sarawak Niang Datuk Seri Pengiran Hipni Pengiran Annu mega nerima gelar pangkat basa ke sama.
Nangkan ke nya, bisi enam iku penerima Panglima Negara Bintang Sarawak (PNBS) ti mai gelar “Datuk Seri” iya nya Menteri Dagang Temuai, Seni enggau Main Asal Datuk Seri Nancy Shukri, Menteri Dagang Temuai, Seni enggau Main Asal Sarawak Datuk Abdul Karim Rahman Hamzah enggau Menteri Perengka Pengangkut Sarawak Datuk Lee Kim Shin.
TIga iku agi penerima PNBS iya nya Luyar Besai Sarawak Datuk Talat Mahmood Abdul Rashid, Sekretari Pekara Wang Nengeri Datuk Dr Wan Lizozman Wan Omar sereta Pengempu KKB Engineering Berhad Datuk Kho Kak Beng.
Dua iku penerima Panglima Gemilang Bintang Kenyalang (PGBK) ti mai gelar “Datuk” iya nya Menteri Muda Pekara Korporat enggau Unit Komunikasi Awam Sarawak (UKAS) Abdullah Saidol enggau Direktor Urusan Serikat Kumpulan Shin Yang James Ling Lu Kiong.
Bisi 13 iku penerima Darjah Jasa Bakti Sarawak (DJBS) ti mai gelar ‘Datu’ iya nya Sekretari Tetap Opis Menteri Pelajar, Sains enggau Pansik Teknologi Sarawak Kameri Affendi enggau Sekretari Tetap Opis Menteri Betanam Betupi Moden, Tanah Adat enggau Pemansang Kandang Menua Sarawak Edwin Abit.
Tujuh iku penerima midul Johan Bintang Sarawak, Johan Bintang Kenyalang (16), Johan Perkhidmatan Cemerlang (4), Midul Perkhidmatan Cemerlang (Emas) (18), Pegawai Bintang Sarawak (44), Pegawai Bintang Kenyalang (101) enggau Midul Perkhidmatan Bakti (Perak) (177).
256 iku penerima Midul Ahli Bintang Sarawak, Ahli Bintang Kenyalang (155), Midul Perkhidmatan Terpuji (Engkeraju) (260) sereta 251 iku nerima Bentara Bintang Sarawak.
