KUCHING, 8 Oktober: Komiti Mutarka Penusah Ngenyit Nengeri (JPBN) Sarawak ngemendarka Sektor Industri Kreatif iya nya panggung wayang beroperasyen baru renggat ketiga Pelin Mulaika Pemanah Menua (PPN) Nengeri Sarawak bepelasarka Atur Standard Pengawa (SOP).
JPBNS madahka, panggung wayang tu dikemendarka beroperasyen berengkah hari minggu iya nya 10 Oktober 2021.
Pemutus ngemendarka sektor tu beroperasyen tu dipadahka JPBNS ba siti penerang media maya Hari Lima.
Garis Lalau (SOP) bekaul enggau muka baru sektor tu tau dipeda ba laman web http://sarawakdisastermc.com/
Kelimpah ari nya, JPBNS mega madahka bisi 1,339 kes baru COVID-19 diripotka di Sarawak maya hari lima di Sarawak ti nyadika penyampau semua kes positif nambah ngagai 222,381.
Ari penyampau kes nya, 98.43 peratus tauka 1,318 kes iya nya kategori 1 enggau 2 lalau 1.57 peratus tauka 21 kes kategori 3,4 enggau 5.
Pia mega, JPBNS madahka nadai kluster baru diripotka maya hari lima ti nyadika kluster ke mengkang aktif iya nya 80 iti kluster.
