KUCHING: Unit Ungkup Pengarap Bukai (Unifor) udah nyerahka bantu sepenyampau RM3.189 juta ngagai 14 buah gerempung pengarap ukai Islam maya hari Lima.
Sapit Kepala Menteri ke megai tanggungpengawa ba dalam Unifor, Datuk Amar Douglas Uggah Embas nyerahka chek bantu nya ngagai sekeda ari Kaban Kunsil Nengeri enggau pengari gerempung nya ba opis iya.
Entara sida ke nerima chek bantu iya nya Sapit Speaker Kunsil Nengeri Dewan (DUN) Datuk Gerawat Gala, Menteri Muda Pengawa Betanam Betupi, Datuk Dr Abdul Rahman Ismail, Menteri Muda Pemansang Orang Indu, Ruang Bilik enggau Pemansang Anak Mit Datuk Rosey Yunus, Menteri Muda Undang-Undang, Kaul Negeri-Perintah Besai enggau Pengawa Matau Projek Datuk Sharifah Hasidah Sayeed Aman Ghazali enggau Menteri Muda Kaunsil Kandang Menua Datu Dr. Penguang Manggil.
Kelimpah ari nya, penerima bukai Kaban Kunsil Nengeri (ADUN) Tupong Fazzrudin Abdul Rahman enggau Kaban Kunsil Nengeri (ADUN) Batu Kitang Lo Khere Chiang.
Perintah Sarawak udah ngemendarka agih belanja sepenyampau RM50 juta ngagai Unifor ba dalam taun tu.
Duit turu nya diagih ngagai sekeda gerempung pengarap ukai Islam di serata nengeri dikena ngaga gerija, Chapel, enggau kuil baru.
Kelimpah ari nya, duit turu ke diberi nya mega dikena ngangkat manah sereta ngemansangka infrastrakcha bukai ke bekaul. – TVS
