KUALA LUMPUR, 8 Oktober: Pengawa meri dos penyungkak vaksin COVID-29 Pfizer iya nya Comirnaty Concentrate for Dispersion for Injection (Comirnaty) diberi pemendar enggau penetap ambis kurang sepengudah enam bulan nerima dos kedua vaksin ungkup raban berumur 18 taun ke atas.
Ku Tuai Direktor Pengerai Tan Sri Dr Noor Hisham Abdullah madahka, pekara nya dikemendarka ba Aum Ejensi Bekuasa Matau Dadah (PBKD) kali ke-365 sehari tu.
“Vaksin Comirnaty ti dikeluarka Pfizer Manufacturing Belgium NV (Belgium) enggau BioNtech Manufacturing GmbH, Germany sebedau tu udah dikemendarka berejister enggau penetap ungkup ke diguna raban berumur 12 taun ke atas kena ke 15 Jun ke udah.
“Tu Vaksin COVID-19 ti keterubah dikemendarka nyadi dos penyungkak di menua tu,” ku iya madah ba siti penerang maya Hari Lima.
Dr Noor Hisham madahka, pemendar rejister ke bepenetap tu begunaka penerang bekaul enggau kualiti, pengelikun enggau pengasi vaksin tu ke dipatau bepelasarka penerang ke baru dikena mandingka “manfaat-risiko” seruran positif.
“KKM seruran komited dalam ngangkatmanah akses bekal vaksin COVID-19 di Malaysia dikena nentuka kualiti, pengelikun enggau tikas pengasi ke dipejalaika Sekysen Regulatori Farmasi Menua (NPRA) sereta dikemendarka PBKD,” ku iya madah.
