KUALA LUMPUR: Sepenyampau 20,856,337 tauka 89.1 peratus ari rayat besai tuai ba menua tu udah nerima dua dos vaksin COVID-19 naka malam hari Empat.
Ngambi berita ari Bernama, penambah 0.3 peratus taka program betuchuk vaksin udah nerima dua dos vaksin ungkup rayat besai tuai ti dibanding sehari sebedau nya 88.8 peratus.
“Tu nyadika saran deka nyapai 90 peratus taka betuchuk vaksin di menua tu semina tinggal 0.9 peratus agi,” ku iya madah maya Hari Lima.
Bepelasarka data ari Opis Menteri Pengerai (KKM) nenga portal COVIDNOW, 94.6 peratus tauka 22,153,302 iku rayat besai tuai udah nerima lebih kurang satu dos vaksin.
Berebak ari nya, sepenyampau 196,647 dos tuchuk vaksin udah diberi naka hari empat ungkup rayat besai tuai ti ngaul 108,092 iku orang ke nerima tuchuk satu dos ti nyadika penyampau kumulatif vaksin ke udah diberi sepemanjai timpuh Program Betuchuk Vaksin COVID-19 Menua (PICK) nambah ngagai 45,204,479.
Naka hari empat, bisi 147,938 tauka 4.7 peratus iku raban nembiak ke beumur 12 nyentuk ke 17 taun udah nerima dua dos vaksin seraya 68.5 peratus tauka 2,156,346 iku orang udah nerima satu dos vaksin.
Kena 22 Sept ke udah, Menteri Besai Datuk Seri Ismail Sabri Yaakob madahka, pengawa mindah meraka nengeri semina ulih dikemendarka enti sema 90 peratus rayat besai tuai di menua tu udah nerima dua dos vaksin COVID-19.
